لاہور(سپورٹس رپورٹر)ڈسٹرکٹ شطرنج ایسوسی ایشن ننکانہ صاحب کے انتخابات میں آئندہ چار سال کےلئے محمد رضوان صدر اور عاکف حسین جنرل سیکرٹری منتخب ہوگئے ہیں، انتخابات ابرار آصف کی زیر نگرانی سانگلہ ہل میں منعقد ہوئے جس میں تمام عہدیداروں کا انتخاب آئندہ چار سال کےلئے متفقہ طور پر کیا گیا۔ڈسٹرکٹ شطرنج ایسوسی ایشن ننکانہ صاحب کے نئے عہدیداروں میں صدر، محمد رضوان؛ سینئر نائب صدر، صارم حسین؛ نائب صدور غلام مصطفی اور محمد عمران؛ جنرل سیکرٹری، عاکف حسین؛ جوائنٹ سیکرٹری، شہباز علی؛ فنانس سیکرٹری، محمد ارسلان اور پریس سیکرٹری،عطیہ نورین شامل ہیں۔ نو منتخب صدر محمد رضوان نے ان کو آئندہ چار سال کےلئے مزید صدر منتخب کرنے پر تمام ممبران کا شکریہ ادا کیا۔