لاہور(نیوز رپورٹر) ہال روڈ پر سابق چیئرمین یونین کونسل بڈن روڈ،ہال روڈ عارف حمید بٹ کی زیرِ صدارت قائد مسلم لیگ ن میاں محمد نواز شریف کی واپسی پر استقبال کی تیاریوں بارے مشاورتی اجلاس ہوا۔شرکاءمیں سابق وائس چیئرمین رمضان بٹ،کونسلر شیخ فاروق،کونسلر عابد علی،کونسلرارشاد چوہدری کونسلر سندھو،کونسلر جاوید خان سمیت اندرون شہر گوالمنڈی،بڈن روڈ مزنگ اطراف کے علاقوں سے مسلم لیگ کے سرکردہ کارکنان نے شرکت کی۔ اس موقع پر عارف حمید بٹ کا کہنا تھا کہ میاں نواز شریف کی واپسی سے پاکستان کی ترقی لوٹ آئے گی۔ قائد مسلم لیگ ن میاں محمد نواز شریف کی واپسی پر عوام کی طرف سے شاندار استقبال ہوگا۔قوم نے بہت مشکل حالات کا سامنا کیا۔ اندھیرے اور تکلیفیں دور ہو جائینگی۔ میاں نواز شریف واپس پہنچتے ہی عوام کے جم غفیر سے مینار پاکستان پر خطاب کرینگے اور پاکستان کی معاشی مشکلات کا حل دینگے۔