بھارتی ریاست کرناٹک میں پٹاخوں کی دکان میں آتشزدگی، 14 افراد جھلس کر ہلاک، متعدد زخمی

نئی دہلی(اے پی پی)بھار ت کی ریاست کرناٹک میں پٹاخوں کی دکان میں آگ لگنے سے 14 افراد ہلاک اور متعدد زخمی ہو گئے ہیں ۔چینی خبررساں ادارے کے مطابق بنگلور پولیس کے ترجمان نے میڈیا کو بتایا کہ اٹیبیلے میں واقع آتش بازی کے سامان کے سٹور پر آگ لگنے سے 14افراد ہلاک ہوئے ہیں ۔انہوں نے بتایا کہ مقامی پولیس حادثے کی وجوہات کے بارے میں تحقیق کرنے کے علاوہ مرنے والوں کی شناخت کے لیے کوششیں کررہی ہے۔انہوں نے مزید بتایا کہ ہلاک اور زخمیوں کو قریبی ہسپتالوں میں منتقل کر دیا گیا ہے جہاں بعض زخمیوں کی حالت تشویشناک ہے ۔