کئی وارداتیں‘ شہری لاکھوں روپے سے محروم ‘پتوکی مزاحمت پر ایک شخص قتل 

لاہور‘قصور‘فیروزوالہ (سٹاف رپورٹر‘نمائندہ نوائے وقت‘نامہ نگار)شہر میں چوری و ڈکیتی کی متعدد وارداتوں میں شہریوں سے لاکھوں روپے‘ زیورات موبائل فون موٹرسائیکلوں اور گاڑیوں سمیت دیگر سامان چھین لیا گیا۔پتوکی‘چھانگا مانگا روڈ پر ڈکیتی مزاحمت پر ڈاکوئوں کی فائرنگ سے ایک شخص جاں بحق ہو گیا‘مقتول کی شناخت 44 سالہ رشید احمد کے نام سے ہوئی ۔فیروزوالہ ‘تھانہ فیکٹری ایریا کے قریب ڈاکوؤں نے نجی ہسپتال کے اندر گھس کر دو ڈاکٹروں سمیت دیگر عملہ اور مریضوں کو یرغمال بناکر لوٹ لیا ۔ڈاکو ڈیڑھ لاکھ روپے کی رقم‘ 10 موبائل اور دیگر سامان لوٹ کر کے لے گئے۔ مصری شاہ میں بابر سے 2لاکھ70 ہزار روپے اور موبائل فون۔ملت پارک میں انوار سے 2 لاکھ روپے اور موبائل فون۔مانگا منڈی میں ماجد سے1لاکھ 90 روپے اور موبائل فون، شاہدرہ میں حبیب سے 1لاکھ 70ہزار روپے اور موبائل فون،نوانکوٹ میں نوازش سے 1 لاکھ 60 ہزار روپے اور موبائل فون۔ماڈل ٹاون میں طارق سے 1لاکھ 50 ہزار نقدی اور موبائل فون،پرانی انارکلی میں ناصر سے ایک لاکھ 35ہزار روپے موبائل فون اور دیگر سامان لوٹ لیا گیا۔گلبرگ اور شمالی چھاونی سے گاڑیاں جبکہ بھاٹی گیٹ،گلشن اقبال ریس کورس اور کاہنہ سے موٹرسائیکلیں چوری ہو گئیں۔