لاہور، پی ٹی آئی احتجاج اور دفعہ 144 کی خلاف ورزی، 432 ملزم گرفتار  

لاہور (نوائے وقت رپورٹ) لاہور میں پی ٹی آئی کے احتجاج اور دفعہ 144 کی خلاف ورزی پر درج مقدمات میں ملوث 432 ملزمان کو گرفتار کر لیا گیا۔پولیس حکام کے مطابق پرتشدد کارروائیوں میں ملوث افراد کی شناخت کے لیے کلوزسرکٹ فوٹیجز کی مدد لی گئی، نامزد افراد کے گھروں پر بھی چھاپہ مار کارروائیاں جاری ہیں۔پولیس ریکارڈ کے مطابق لاہور پولیس نے 23 ایف آئی آرز درج کر رکھی ہیں، مقدمات میں نامعلوم ملزمان کی تعداد 700 سے زائد ہے۔گرفتار افراد کو پانچ اکتوبر کے احتجاج کے درج مقدمات میں نامزد کیا جائے گا۔