اسلام آباد : حکومت نے پیٹرولیم مصنوعات کے اسمگلنگ کے خلاف کریک ڈاون کی تیاری کرلی اور غیر قانونی پیٹرول پمپس کےخلاف کارروائی کا فیصلہ کیا ہے۔
تفصیلات کے مطابق پیٹرولیم مصنوعات کی مد میں سالانہ 396 ارب روپے کی اسمگلنگ کا انکشاف سامنے آیا۔ذرائع نے بتایا کہ پیٹرولیم مصنوعات کی اسمگلنگ کے خلاف کریک ڈاون کی تیاری کرلی گئی ہے . ملک بھر میں غیر قانونی پیٹرول پمپس کے خلاف کارروائی کا فیصلہ کیا گیا ہے۔ذرائع کا کہنا تھا کہ پیٹرولیم مصنوعات کی اسمگلنگ روکنے کے لیے مزید اقدامات کا پلان تیار کیا گیا ہے.ایف بی آر نے پیٹرولیم سے متعلق قوانین میں ترامیم کی تجاویز دے دیں۔ذرائع نے کہا کہ ضلعی انتظامیہ کو غیر قانونی پیٹرول پمپس سیل کرنے، پمپس کی مشینری، آلات ضبط کرنے کا اختیار دینے کی تجویز دی ہے۔ذرائع نے مزید بتایا کہ ملک بھرمیں پیٹرول پمپس کی ڈیجیٹلائزیشن ، پیٹرول پمپس پرسم بیسڈ ٹیکنالوجی کےذریعے فروخت مانیٹر کرنے اور پیٹرول پمپس پر اسٹاکس کی ریئل ٹائم مانیٹرنگ کرنے کی بھی تجویز ہے۔
ذرائع کے مطابق غیر قانونی پیٹرول پمپس کی تلاش کے لیے اپلیکیشن تیار کرنے اور جی آئی ایس موبائل ایپلیکشن تیار کرکے پیٹرول پمپس تلاش کرنے کی تجویز دی گئی ہے۔آئل مارکیٹنگ کمپنیز کوموبائل ایپلیکشن پر ریئل ٹائم اپ ڈیٹ کا پابند کرنےکی تجویز ہے۔
