لاہور(سپورٹس ڈیسک) قومی ٹی ٹوینٹی کی چیمپیئن فیصل آباد وولوز کا چیمپیئنز لیگ کے کوالیفائنگ راؤنڈ کی تیاری کیلئے لاہور میں تربیتی کیمپ شروع ہوگیا،کوچ اور کھلاڑیوں نے شاندار کارکردگی دکھا کر چیمپیئنز لیگ کے مین راؤنڈ تک رسائی کا عزم ظاہر کیا ہے۔کوچ نوید انجم کی زیر نگرانی قذافی اسٹیڈیم لاہور میں لگائے جانیوالے تربیتی کیمپ میں بارہ کھلاڑی بھرپور پریکٹس میں مصروف ہیں جبکہ کپتان مصباح الحق،سعید اجمل اور احسان عادل ٹیسٹ سیریز کھیلنے کی وجہ سے زمبابوے میں موجود ہیں۔بھارت میں سترہ ستمبر سے شروع ہونیوالے لیگ کے کوالیفائنگ راؤنڈ میں فیصل آباد وولوز کے تمام میچز موہالی میں ہونگے۔