آرمی چیف نے4 دہشت گردوں کو سزائے موت کی توثیق کر دی

راولپنڈی (نوائے وقت رپورٹ) آئی ایس پی آر کے مطابق آرمی چیف جنرل قمر جاوید باجوہ نے 4 دہشت گردوں کی سزائے موت کی توثیق کر دی ہے‘ دہشت گرد شہریوں، سکیورٹی اداروں اور مسلح افواج پر حملوں میں ملوث تھے۔ چاروں دہشت گرد 16 افراد کے قتل، 8 افراد کو زخمی کرنے میں ملوث تھے۔ دہشت گردوں میں ریاض، حفیظ الرحمن، سلیم اور کفایت اللہ شامل ہیں۔ چاروں دہشت گردوں سے اسلحہ بھی برآمد ہوا۔