چین کے 37 افریقی ممالک،افریقی یونین کے ساتھ دی بیلٹ اینڈ روڈ کی تعمیر کے لیے تعاون کی دستاویزات پر دستخط

بیجنگ(اے پی پی) چین کی قومی ترقی و اصلاحات کمیشن کے تحت محکمہ بین الاقوامی تعاون کے نائب سربراہ شیا چھینگ نے کہا ہے کہ چین نے 37 افریقی ممالک اور افریقی یونین کے ساتھ دی بیلٹ اینڈ روڈ کی تعمیر کے حوالے سے سرکاری مفاہمتی یادداشت کی دستاویزات پر دستخط کیے ہیں۔شیا چھینگ نے کہا کہ چین افریقہ تعاون فورم کے بیجنگ اجلاس کے دوران چین نے 28 افریقی ممالک اور افریقی یونین کے ساتھ مفاہمت کی یادداشت کی دستاویزات پر دستخط کیے جب کہ 9 ممالک کے ساتھاجلاس سے پہلے ہی مفاہمتی یادداشت کی دستاویزات پر دستخط ہوچکے تھے۔معلوم ہوا ہے کہ اس وقت تک چین نے105ممالک کے ساتھ دی بیلٹ اینڈ روڈ سے متعلق تعاون کی123 دستاویزات پر دستخط کیے ہیں جن میں ایشیا،افریقا ، یورپ،لاطینی امریکا اور جنوبی بحرالکاہل کے ممالک شامل ہیں۔علاوہ ازیں چین نے29 عالمی تنظیموں کے ساتھ بھی تعاون کی 26 دستاویزات پر دستخط کیے ہیں۔