لاہور (این این آئی) رومانیہ سے تعلق رکھنے والے مشہور پاپ بینڈ ’’ ایکسنٹ ‘‘ کے پاکستان میں بھی بہت چاہنے والے ہیں جس کے لیڈ گلوکار ’’ ایڈریان سینا ‘‘ ہیں ، 6ستمبر کے موقع پر گلوکار نے فیس بک پر پاکستان کیلئے ایسا پیغام جاری کر دیا کہ بھارتیوں کی چیخیں ہی نکل گئیں ۔ گلوکار نے فیس بک پر اپنی ایک تصویر جاری کی جس میں ان کے دونوں اطراف نیلے رنگ کی وردیاں پہن بندوقیں تھامے ہوئے دو سکیورٹی اہلکار موجود ہیں۔ اس تصویر کے عنوان پر انہوں نے لکھا کہ’’ چائے بہت اچھی تھی ‘‘۔ دراصل یہ وہ جملہ ہے جو کہ بھارتی پائلٹ ابھی نندن نے پاکستانی حکام کی حراست میں ویڈیو بیان دینے کے دوران کہا تھا ، یہ جملہ سوشل میڈیا پر بے حد معروف ہوا اور زبان زد عام ہو گیا۔