افغانستان: طالبان کا حملہ ناکام، 7 جنگجوؤں سمیت 10 ہلاک 

قندوز، افغانستان(شِنہوا)افغانستان کے صوبہ قندوز کے ضلع دشتِ ارچی پرطالبان کی جانب سے قبضہ کرنے کی کوشش کو ناکام بنا دیا گیا ہے اور عسکریت پسند نعشوں کو پیچھے چھوڑ کر بھاگنے پر مجبور ہو گئے ہیں۔یہ بات ضلعی گورنر نصرالدین نظری نے گزشتہ روز بتائی۔عہدیدار نے کہا کہ باغی گروپ نے منگل کے روز شام کے اوقات میں ضلعی ہیڈکوارٹرز پر قبضہ کرنے کیلئے کارروائی کی لیکن سخت مزاحمت کا سامنا کرنا پڑا، چند گھنٹوں تک جاری رہنے والے فائرنگ میں 7 جنگجو، 3 پولیس اہلکار ہلاک ہو گئے۔ عہدیدار نے مزید کہا کہ لڑائی کے دوران 2 پولیس اہلکار اور متعدد باغی زخمی ہوئے۔