واشنگٹن ( نوائے وقت رپورٹ +صباح نیوز) امریکی صدر ڈونلڈ ٹرمپ نے  کہا ہے  کہ کرونا ویکسین اکتوبر کے مہینے میں مارکیٹ میں آسکتی ہے۔انہوں نے بیان میں  کہا کہ الیکشن تک میری قیادت میں کرونا ویکسین تیار کر لی جائے گی، اس کام میں 2 سے 3 سال لگ سکتے تھے، ہم نے انتہائی کم وقت میں کام کیا۔ہ ویکسین بہت محفوظ اور موثر ہے، دنیا خوش ہوجائے گی۔انہوں نے انتخابی حریف جو بائیڈن پر کڑی تنقید کرتے ہوئے کہا کہ جو بائیڈن کو ویکسین مخالف بیان پر معافی مانگنی چاہئے۔امریکی صدر نے مزید کہا کہ بائیڈن اہل شخص نہیں، وہ امریکا اور اس کی معیشت کو تباہ کر دیں گے۔ ٹرمپ نے صحافی کو ماسک اتارنے کا کہا تو اس نے ٹکا سا جواب دیتے کہا میں ایس او پیز پر عملدارآمد کر رہا ہوں۔