کراچی(وقائع نگار) پاکستان تحریک انصاف کے رہنما اور سینیٹر فیصل واوڈا کی والدہ انتقال کرگئیںتفصیل کے مطابق سماجی رابطے کی ویب سائٹ ٹوئٹر پر جاری ایک بیان میں سینیٹر فیصل واوڈا نے بتایا کہ میری والدہ آج اپنے خالق حقیقی سے جاملیں، طبیعت ناسازی کے باعث والدہ کچھ دنوں سے کومہ میں تھیں،سینیٹر فیصل واوڈا نے بتایا کہ والدہ کی نمازہ جنازہ کل بعد نماز ظہر ڈی ایچ اے فیز سیون کی  جامع مسجد عائشہ میں ادا کی جائے گی، سیاسی رہنماؤں کے ساتھ ساتھ مختلف مکتبہ فکر سے تعلق رکھنے والے افراد نے سینیٹر فیصل کی والدہ کے انتقال پر ان سے اظہار تعزیت کیا ہے اور ان کی والدہ کے بلند درجات کی دعا کی ہے