سپورٹس کیلنڈر ویک :تیر اندازی  کے مقابلے ٗ طالبات نے حصہ لیا

وہاڑی‘بوریوالا( ڈسٹرکٹ رپورٹر‘کرائم رپورٹر ‘ نامہ نگار) ڈسٹرکٹ سپورٹس ڈیپارٹمنٹ وہاڑی کے زیر اہتمام سپورٹس ویک کے سلسلہ میں جنوبی پنجاب میں پہلی بار آرچری (تیر اندازی) کے مقابلے ہوئے جس میں طلباء کیساتھطالبات اور خواتین نے بھی حصہ لیا ایونٹ کے مہمان خصوصی اسسٹنٹ کمشنر وہاڑی جعفر گجر،ڈسٹرکٹ سپورٹس آفیسر ملک غلام مرتضی اور تحصیل سپورٹس آفیسر مسرت شاہین کے علاوہ سول سوسائٹی کے افراد نے بھی شرکت کی ۔ اس موقع پر پنجاب کی نمائندگی کرنیوالی آرچری ٹیم کے ممبران نے طلباء میں تیر اندازی کی ٹریننگ دی اور ترغیب دی۔ آرچری اور کراٹوں کے مقابلہ جات میں پوزیش ہولڈرز میں انعامات بھی تقسیم کئے گئے۔