کورونا وائرس کا نیا ویریئنٹ میو امریکا کی 49 ریاستوں میں پھیل چکا ہے۔ چینی خبررساں ادارے نے بھارتی ٹی وی چینل کی رپورٹ کا حوالہ دیتے ہوئے بتایا کہ پہلی بار جنوری میں کولمبیا میں شناخت ہونے والا کورونا وائرس کا نیا ویریئنٹ میو اب امریکا کی 49 ریاستوں میں پھیل چکا ہے ۔ رپورٹ میں کہا گیا ہے کہ نیبراسکا وہ واحد امریکی ریاست ہے جس میں اس ویریئنٹ کا تاحال کوئی کیس سامنے نہیں آیا ، امریکی ریاست کیلی فورنیا میں اس ویریئنٹ کے 384 کیسز سامنے آئے ہیں جو سب سے زیادہ ہیں ۔