لاہور (نیوز رپورٹر ) ایس ڈی او ستارہ کالونی سب ڈویژن انجینئر راحیل کامران نے اپنی مختصر تعیناتی کے دوران چیف ایگزیکٹو لیسکو چوہدری امین کی ہدایت پر ایس ای ساؤتھ سرکل انجینئر ظفر اللہ سانگی کی سربراہی ایکسین ڈیفنس ڈویژن ثناء محمد گجر کی نگرانی میں ایس ڈی او نے ایل ایس رضوان طور میٹر انسپکٹر نصیر احمد بمعہ دیگر عملے کے ہمراہ ستارہ کالونی میو کالونی جاوید کالونی اتحاد پارک شامی پارک مارکیٹ مدینہ بازار گلشن یاسین کالونی۔ پنڈ بندیا والا ڈیرہ اختر میو پاک ٹاؤن سمیت گردونواح میں گرینڈ آپریشن کرتے ہوئے 300 بجلی چوروں کو رنگے ہاتھوں پکڑ لیا۔ڈی بل کی مد میں 550000 یونٹ بجلی چوروں کو چارج کیے گئے اور الیکڑک ایکٹ کے تحت تمام بجلی چوروں کے خلاف متعلقہ تھانے میں مقدمات درج کروا دیئے گئے۔ ایکسین ڈیفنس ڈویژن ثناء محمد گجر کے مطابق بجلی چوروں کے خلاف بلا تفریق آپریشن جاری رہے گا اور انکی پست پناہی کرنے والے اہلکاروں کے خلاف سخت تادیبی کارروائی کی جائے گی۔