نسیم شاہ کا چھکوں والا بلا نیلام کرنے کا فیصلہ

لاہور(سپورٹس رپورٹر)پاکستان کرکٹ ٹیم کے فاسٹ بائولر نسیم شاہ نے افغانستان کیخلاف دو چھکے مار کر ٹیم کی جیت میں اہم کردار ادا کرنیوالے بلے کو نیلام کرنے کا فیصلہ کیا ہے۔پی سی بی نے محمد حسنین اور نسیم شاہ نے ویڈیو جاری کی ہے، جس میںمحمد حسنین نے کہا کہ نسیم شاہ نے افغانستان کیخلاف ٹیم کو جتوانے میں اہم کردار ادا کیا اور جس بلے سے چھکے لگائے تھے وہ میرا  ہے‘ نسیم شاہ کو گفٹ کردیا ہے۔ نسیم شاہ نے محمد حسنین کا شکریہ ادا کرتے ہوئے کہا کہ میں اس بلے کو نیلام کررہا ہوں اور اس سے حاصل ہونے والی رقم کا آدھا حصہ فلڈ فنڈ میں عطیہ کروں گا۔