آئی سی سی ورلڈ کپ ‘میچ آفیشلز کا اعلان ‘پاکستان کے ا حسن رضا بھی شامل

لاہور(سپورٹس رپورٹر)انٹرنیشنل کرکٹ کونسل نے کرکٹ ورلڈ کپ 2023 ءکے میچ آفیشلز کا اعلان کر دیا۔آئی سی سی نے اگلے ماہ بھارت میں شروع ہونے والے کرکٹ ورلڈکپ کیلئے امپائرز کے پینل کا اعلان کر دیا ہے جس میں ایک پاکستانی امپائر بھی شامل ہے۔امپائرز کے 16 رکنی پینل میں پاکستان احسن رضا بھی شامل ہیں جبکہ ایلیٹ پینل سے دستبردار ہو جانے والے علیم ڈار ورلڈ کپ 2023 ءکے آفیشلز میں شامل نہیں ہوں گے۔ورلڈ کپ امپائرز پینل میں کرس براو¿ن، کمار دھرما سینا، مارس اراسمس، کرس گفانی اور مائیکل گف شامل ہیں۔ ایڈرین ہولڈ سٹاک، رچرڈ النگورتھ، رچرڈ کیٹل برا اور نتن مینن بھی امپائرز پینل کا حصہ ہیں۔پال ریفل، شرف الدولہ ابن شاہد، روڈ ٹکر، ایلکس وارف، جوئیل ولسن اور پال ولسن بھی ورلڈ کپ امپائرز میں شامل ہیں۔ورلڈکپ کے دوران جواگل سری ناتھ، اینڈی پائی کرافٹ، جیف کرو اور رچی رچرڈسن میچ ریفریز کے فرائض انجام دیں گے۔