لاہور(خصوصی نامہ نگار) تحریک لبیک یا رسول اللہ و تحریک صراط مستقیم کے زیر اہتمام ”مرکزی سیدنا داتا گنج بخش کانفرنس“ کا انعقاد مرکز صراط مستقیم تاج باغ لاہور میں کیا گیا۔ کانفرنس کی صدارت حضرت پیر صوفی محمد بشیر حیات کے نقشبندی نے کی جبکہ تحریک لبیک اسلام کے شوریٰ کے چیئرمین صاحبزادہ محمد امین اللہ نبیل سیالوی مہمان خصوصی تھے۔ کانفرنس میں علماءو مشائخ کی کثیر تعداد نے شرکت کی۔ تحریک لبیک یا رسول اللہ کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے علماءو مشائخ کی حمایت سے قراردادیں پیش کیں۔ سیدنا داتا گنج بخش کانفرنس میں قاری فرمان علی حیدری، مفتی محمد ارشاد احمد جلالی، مفتی محمد شاید نعمانی، مفتی محمد جاوید اقبال اجمیری سیالوی، صاحبزادہ محمد مرتضی علی ہاشمی، پیر سید نعیم شاہ بخاری، علامہ محمد عبد الرشید جلالی، مفتی محمد شاہد عمران جلالی، ڈاکٹر محمد آصف علی بلالی، مولانا محمد صدیق مصحفی جلالی، مولانا محمد تعظیم نقشبندی و دیگر نے شرکت کی۔