امریکی قونصلر جنرل کا دورہ تھانہ فیکٹری ایریا، قاتل کی گرفتاری پر پولیس کارکردگی کو سراہا

لاہور (نوائے وقت رپورٹ) امریکی قونصل جنرل کرسٹن ہائنز نے امریکی شہری خاتون کے قتل کے معاملے پر تھانہ فیکٹری ایریا کا دورہ کیا۔ ترجمان پولیس کے مطابق امریکی خاتون کو تھانہ فیکٹری ایریا کے علاقے میں قتل کر دیا گیا تھا۔ امریکی قونصل جنرل نے قاتل کی گرفتاری پر پولیس کی کارکردگی کو سراہا۔ چند روز قبل امریکی خاتون ڈائنا کرسٹوفر کو اس کے شوہر نے قتل کر دیا تھا۔ پولیس نے مقتولہ کی لاش دفنانے کے دوران ملزم شوہر کو گرفتار کر لیا تھا۔