کراچی (نوائے وقت رپورٹ) سندھ کی سیاست میں مسلم لیگ (ن) کی انٹری، سندھ کی متعدد اہم شخصیات مسلم لیگ (ن) میں شمولیت کےلئے تیار ہیں۔ ذرائع کے مطابق اس حوالے سے نائب صدر مسلم لیگ (ن) مریم نواز کا رواں ماہ دورہ سندھ بھی متوقع ہے اور کراچی و حیدر آباد کے دورے کا شیڈول تیار کیا جا رہا ہے۔ ذرائع (ن) لیگ کے مطابق مریم نواز کے دورے کے دوران (ن) لیگ سندھ کے نئے عہدیداروں کا اعلان متوقع ہے جبکہ مسلم لیگ (ن) سندھ نے مریم نواز کے مجوزہ دورے سے قبل اجتماع کارکنان شروع کر دیئے۔ ذرائع کا یہ بھی بتانا ہے کہ (ن) لیگی قیادت ہم خیال سیاسی جماعتوں کے ساتھ بھی سندھ کے حوالے سے رابطے کر رہی ہے ۔ مریم نواز کی لندن روانگی سے قبل کراچی آمد کا امکان ہے۔