فیروزوالہ( نامہ نگار )جی ٹی روڈ پر ٹریفک کے مختلف حادثات میں2افراد ہلاک‘ 2کانسٹیبلوں سمیت 8 افراد زخمی ہو گئے۔ لاہور روڈ پر دو موٹرسائیکلیں ٹکرا گئیں ‘ نوجوان شہزاد ہلاک جبکہ ساتھی زخمی ہو گیا۔ ریلوے پٹری کراس کرتے ٹرین کی زد آکر 22سالہ محمد منیر جاں بحق ہو گیا ۔ تھانہ فیکٹری ایریا کے دو پولیس اہلکارڈیوٹی سے فارغ ہو کر موٹر سائیکل پر واپس آرہے تھے کہ راستے میں حادثے کا شکار ہو گئے۔ دونوں نوجوان شدید زخمی ہو گئے جنہیں ہسپتال داخل کرا دیاگیا۔ رانا ٹاؤن کے قریب گاڑی کی ٹکر لگنے سے موٹرسائیکل سوار دو نوجوان زخمی ہو گئے۔ کوٹ عبدالمالک تیز رفتار ڈالہ وین نے رکشے کو ٹکر مار دی ‘ رکشہ سوار تین افراد آصف اور جاوید وغیرہ شدید زخمی ہو گئے ۔