لاہور(نیوزرپورٹر) پاکستان میں سپین کے سفیر جوز ڈی اوری نے ناصر باغ میں پارکس اینڈ ہارٹی کلچر اتھارٹی لاہور کی جانب سے قائم کردہ آرٹ گیلری کا دورہ کیا۔ انہوں نے نمائش میں لگائی گئی تصاویر اور فن پاروں میں گہری دلچسپی کا اظہار کیا۔ دی بیرکس آرٹ گیلری میں ’’پانی، پودے اور دیگر ماحولیات‘‘ کے نام سے لگائی گئی نمائش کو نامور مصورہ حمرا عباس نے ڈیزائن کیا ہے جبکہ عصری مصور عمران قریشی نے نمائش کو کیوریٹ کیا ہے۔ سپین کے سفیر کو پی ایچ اے لاہور کی طرف سے فن اور ثقافت کیلئے کئے گئے اقدامات سے بھی آگاہ کیا گیا۔