پنجگور+ لکی مروت (نوائے وقت رپورٹ + آئی این پی) پنجگور کے علاقے چتکان میں مسلح افراد کی فائرنگ سے پولیس سب انسپکٹر جاں بحق ہو گیا۔ پولیس اہلکار معمول کے گشت پر تھے‘ گاؤں منگترا گنڈی میں نامعلوم موٹر سائیکل سواروں نے فائرنگ کی‘ جس سے سب انسپکٹر معتبر خان جاں بحق جبکہ ایک زخمی ہو گیا۔ دریں اثناء خیبر پی کے کے ضلع لکی مروت میں نامعلوم افراد نے پولیس افسر کے گھر پر حملہ کردیا جس کے نتیجے میں اس کے دو بھائی جاں بحق ہوگئے۔ تھانہ لکی سٹی کی حدود اباخیل میں واقعہ پیش آیا‘ ایک بھائی بھی پولیس کانسٹیبل تھا۔