پنجاب میں   9 ویں،  11 ویں کے نئے سلیبس کے تحت کتابیں چھاپنے کا نوٹیفکیشن جاری

لاہور (نوائے وقت رپورٹ) پنجاب میں نویں اور گیارہویں جماعت کے نئے سلیبس کے تحت کتابیں چھاپنے کا نوٹیفکیشن جاری کر دیا گیا۔ نوٹیفکیشن پنجاب کریکولرم اینڈ ٹیکسٹ بک بورڈ نے جاری کیا، جس کے مطابق آئندہ تعلیمی سال کیلئے نئی کتابیں چھپیں گی۔ نوٹیفکیشن کے مطابق انگریزی، اردو، اسلامیات، کیمیا، طبیعات اور ریاضی کا سلیبس تبدیل کردیا گیا ہے۔ علاوہ ازیں بائیولوجی اور کمپیوٹر سائنس کا سلیبس بھی تبدیل کیا گیا ہے۔ دوسری جانب جماعت دہم کے طالب علم آئندہ سال نئے سلیبس کی مطالعہ پاکستان پڑھیں گے۔