سیالکوٹ:    بحرین جانے والے پارسل سے لاکھوں کی 490 گرام آئس برآمد

سیالکوٹ (نمائندہ خصوصی) جی پی او سیالکوٹ سے بیرون ملک بھجوائے جانے والے پارسل سے لاکھوں روپے مالیت کی آئس برآمد ہوئی۔ اینٹی نارکوٹکس فورس نے پارسل قبضہ میں لیکر تحقیقات شروع کردی۔ تفصیلات کے مطابق محلہ فقیر پورہ گوجرانوالہ کے رہائشی زاہد عباس نے ایک پارسل 3.6کلو گرام بحرین کیلئے بک کروایا۔ جس کے دوران چیکنگ عملہ اور کسٹم حکام نے پارسل میں موجود فٹ ویئر، شرٹس، ٹراؤزر کے اندر خفیہ طور پر چھپائی گئی 490گرام آئس برآمد کرلی۔ اس کے بعد پارسل مزید تحقیقات کیلئے اینٹی نارکوٹکس عملہ کے حوالے کردیا گیا۔ تاحال کوئی گرفتاری عمل میں نہ لائی جا سکی ہے۔