گوجرانوالہ:کارپوریٹ کلاس بزنس گروپ کی جانب سے عشائیہ ، تقریب  

گوجرانوالہ( نمائندہ خصوصی)اتفاق اخوت حق گروپ اور گوجرانوالہ ٹیکسٹائل ڈائینگ اینڈ پرنٹنگ ایسوسی ایشن انجینئر فیصل ایوب  چغتائی امید وار برائے کارپوریٹ کلاس بزنس گروپ کی جانب سے عشائیہ کا اہتمام تقریب میں چیئرمین بزنس گروپ رانا ناصر، سابق صدور چیمبر، میاں عمر سلیم، عاصم انیس سمیع اللہ نعیم ، عامر رحمان، علی ہمایوں بٹ، رانا صدیق خاں ، وقاص انور،فرخ اعجاز، احمد نوید رانجھا،  ظفر اقبال ڈار ،ملک الیاس، وقاص افضل، رمضان چشتی، نیئر جمیل بلو بھٹی ،مصطفی عزیز لون، سمیت دیگر نے شرکت کی اس موقع پر بزنس گروپ کے قائدین اور امیدواروں نے خطاب کرتے ہوئے کہا آج کی تقریب نے بزنس گروپ کی فتح پر مہر لگا دی ہے ،ہم نے الیکشن کیلئے ہر سیکٹر سے پڑھے لکھے امیدواروں کو فوکس کرکے چیمبر آف کامرس کے الیکشن کیلئے ’’چنا‘‘ ہے یہ امیدوار کامیاب ہو کر جہاں چیمبر آف کامرس کی باگ دوڑ سنبھالیں گے تو وہیں پر اپنے اپنے سیکٹر کے درپیش مسائل ہنگامی بنیادوں پر حل کرینگے ،ان کامزید کہنا تھا کہ ہم وعدہ کرتے ہیں کہ ہمارے دور اقتدار میں جو محکمے فیکٹریوں میں آتے ہیں وہ فیکٹریوں میں نہیں آئیں گے بلکہ وہ محکمے چیمبر آف کامرس سے اجازت لیں گے اور چیمبر آف کامرس میں ہی فیکٹری مالکان کو بلایا جائے گا جہاں پر متعلقہ محکمے کا مسئلہ سنا جائے گا اور اسکا حل کیا جائے گا ،ہم سابقہ روایات کو ختم کر دینگے ،انہوں نے کہا کہ موجودہ برسر اقتدار گروپ نے چیمبر آف کامرس کو اپنی نااہلییوں کی وجہ سے چیمبر آف کامرس کو اتنا بے وقت کر دیا ہے کہ ان کے ویزہ لیٹر پر کوئی ملک ویزہ دینے کو تیار نہیں۔