کلر سیداں (نامہ نگار)کلرسیداں کی سڑکوں چوکو ں چوراہوں پر ٹریفک میں خلل بننے والی بکریوں اور مویشیوں کو قابو کرنے کیلئے باآلاخر چور حرکت میں آ گئے جنہوں نے صرف دو ایام میں کلرسیداں سے 33 بکریاں چوری کر لیں۔گزشتہ روز چور سترہ بکریاں ہمراہ لے گئے تھے اور آج پھر 16بکریاں چوری کر لی گئیں۔بابر ندیم سکنہ اراضی گوڑھا نے مقدمہ درج کروایا کہ صبح میں نے اپنی چار عدد بکریاں قریبی جنگل میں چرنے کیلئے چھوڑ دیں اسی دوران مسمی اعجاز کی تین عدد بکریاں،ابرار کی چار عدد بکریا ں ،ار با ب،نصیر اوراختر کی ایک ایک جبکہ محمد نثار کی دو عدد بکریاں چوری کر لی گئی ہیں۔یادرہے کہ اوار بکریو ں اور مویشیوں نے انت مچا رکھی ہے تمام سڑکوں چوکوں چوراہوں پر مٹر گشت کرتے یہ مویشی مسلسل حادثات کا موجب بنتے چلے آ رہے تھے عوام کے احتجاج پر بھی ان کے مالکان ٹس سے مس نہ ہوئے اور باالاخر نامعلوم چور عو ام کی مدد کے لیئے باہر نکلے جنہوں نے درجنوں بکریاں چوری کر لیں اور یہ سلسلہ جاری ہے ۔