کلر سیداں ،تین رفتار ٹینکر نے موٹر سائیکل کو ٹکر مار دی ، تین افراد زخمی

 کلر سیداں (نامہ نگار)تین رفتار ٹینکر نے موٹر سا ئیکل کو ٹکر مار دی جس کے نتیجے میں تین افراد زخمی ہو گئے۔ صائمہ ضمیر سکنہ شاہ باغ نے مقد مہ درج کروایا کہ گزشتہ روز میرے بھائی محمد سہیل اور محمد عدیل میرے پانچ سالہ بیٹے عاشر احمد کو اپنے موٹر سائیکل پر لا رہے تھے اور جونہی تریل روڈ کے نزد یک پٹرول پمپ پر پہنچے تو پانی کا ایک ٹینکر جسے محمد اویس نامی ڈرائیور چلا رہا تھا نے انتہائی تیز رفتاری سے میرے بھائی کے موٹر سائیکل کو ٹکر مار دی جس سے تینوں افراد سڑک پر گر کر زخمی ہو گئے جس سے موٹر سائیکل کو بھی کافی نقصان پہنچا اور میرے بھائیوں اور بیٹے کو بھی شدید قسم کی چوٹیں آئیں جنہیں ریسکیو 1122کے ذریعے ٹی ایچ کیو ہسپتال کلر سیداں پہنچایا گیا۔