جنوبی وزیرستان کے وانا رستم بازار میں کریکوٹ روڈ پر پولیس وین پر ریموٹ کنٹرول بم دھماکہ ہوا جس کے نتیجے میں 12 افراد زخمی ہوگئے ہیں ۔پولیس کے مطابق  وانا رستم بازار میں النور مسجد کے قریب ایس ایچ او اللہ نواز کی گاڑی پر آئی ای ڈی دھماکہ کیا گیا، 12افراد زخمی ہو گئے ،زخمیوں کو ہسپتال منتقل کردیا گیا ، کئی زخمیوں کی حالت تشویشناک ہے اور علاقے کو گھیرے میں لے کر تفتیش شروع کر دی گئی ۔اس حوالے سے ایم ایس ڈاکٹر حماد محمود نے کہا کہ دھماکے میں زخمی ہونے والے 12 افراد کو ہسپتال لایا گیا ، زخمیوں میں عام شہری اور پولیس اہلکار شامل ہیں۔