وفاق سے بار بار مطالبہ کر رہے ہیں سندھ کی مدد کرکے ذمہ داری پوری کرے: بلاول

کراچی (نوائے وقت رپورٹ) بلاول بھٹو کی سربراہی میں ویڈیو لنک کے ذریعے اجلاس میں کرونا وائرس کے حوالے سے حکومتی حکمت عملی زیر بحث لائی گئی۔ سندھ حکومت نے بلاول بھٹو زرداری کو بریفنگ میں بتایا کہ بدین میں آئسولیشن سنٹر بنایا گیا ہے۔ ریسرچ ٹیم صورتحال کو سامنے رکھ کر مستقبل کے حوالے سے تحقیق کر رہی ہے۔ بلاول بھٹو نے کہا کہ بدترین حالات میں کرونا وائرس سے مقابلہ کرنے کیلئے پلان ہونا چاہئے۔ گنجائش اور صلاحیت میں اضافے کے حوالے سے تیاریوں میں تیزی لائی جائے۔ سندھ حکومت اپنی ریسرچ میں ملک بھر میں کرونا کی موجودہ صورتحال کا جائزہ لے۔ کوئی بھی صوبائی حکومت اکیلے کچھ نہیں کر سکتی۔ وفاقی کو مدد کرنا چاہئے۔ وفاق سے بار بار مطالبہ کر رہے ہیں۔ وہ سندھ کی مدد کرکے اپنی ذمہ داری ادا کرے۔ ہم سب کو ملکرکرونا کی وباء کا مقابلہ کرنا ہوگا۔ سندھ حکومت سنگین صورتحال کیلئے تیار رہے۔