پاکستانی اداکار عدنان صدیقی نے کورونا وائرس کے خلاف لڑنے والے ڈاکٹرز کے لیے حفاظتی لباس تیار کرلیا ہے جس کی ویڈیو سوشل میڈیا پر وائرل ہو گئی۔
سماجی رابطے کی سائٹ انسٹاگرام پر عدنان صدیقی نے ایک ویڈیو شیئر کی جس میں وہ کورونا وائرس سے محفوظ رکھنے کے لیے ڈاکٹروں کے لئے سلائی مشین کے ذریعے لباس تیار کر رہے ہیں ۔انہوں نے کہا کہ یہ لباس کورونا وائرس کے متاثرین کی حفاظت کرنے والے ڈاکٹرز اور پیرا میڈیکل اسٹاف کے لیے ہے کیوں کہ موجودہ صورتحال میں یہ حفاظتی لباس بہت ضروری ہے۔عدنان صدیقی نے یہ بھی کہا کہ معروف ڈیزائنر عاصم جوفا آپ کو لباس بنانے کا طریقہ اور ضروری سامان حاصل کرنے کی رہنمائی بھی کر دیں گے کیوں کہ جب میں یہ لباس بنا سکتا ہوں تو آپ پھر آپ بھی بنا سکتے ہیں.عدنان صدیقی نے معروف ڈیزائنر عاصم جوفا کے اقدام کی تعریف کی اور تمام ڈاکٹرز ، نرسز اور پیرا میڈیکل اسٹاف کو شاندار خراج تحسین بھی پیش کیا۔
