ملتان (کرائم رپورٹر)ملتان پولیس تھانہ قطب پور نے سیفل پلازہ کے قریب گلی سے گم ہونے والے 04 بچوں کو چند ہی منٹوں میں تلاش کر کے ورثاء کے حوالے کر دیا۔پولیس کو اطلاع موصول ہوئی کہ حبیبہ بی بی بعمر9 سال ،حریبہ بی بی بعمر 06 سال ، عائندہ بی بی بعمر 07 سال اورساجد بعمر 8 سال  گم ہو گئے ہیں اطلاع موصول ہونے پر سٹی پولیس آفیسر ملتان منیر مسعود مارتھ نے نوٹس لیا ایس ایس پی آپریشنز ملتان کیپٹن (ر) سید ذیشان حیدر کی خصوصی کاوش پر پولیس نے بروقت کاروائی کرتے ہوئے چاروں بچوں کو تلاش کرکے والدین کے حوالے کر دیا۔ورثاء نے بچوں کے ملنے پر انتہائی خوشی کا اظہار کیا اور ملتان پولیس کا انتہائی شکریہ ادا کیا اور ڈھیروں دعائیں دی۔