قصور+ ننکانہ صاحب (نمائندہ نوائے وقت+ نامہ نگار+ نامہ نگار خصوصی) ٹریفک حادثات میں 2 افراد جاں بحق ہو گئے اور متعددافراد زخمی ہو گئے۔ 60/65سالہ فاروق اپنی بیوی کے ساتھ رائیونڈ سے کوٹ رادھا کشن آرہا تھا کہ حمید ٹاؤن کے قریب کار سے تصادم کے نتیجہ میں فاروق موقع پر ہی دم توڑ گیا جبکہ اس کی بیوی معمولی زخمی ہوگئی جسے علاج کے لیے ٹی ایچ کیو ہسپتال کوٹ رادھا کشن منتقل کردیا گیا ہے ۔ علاوہ ازیں 2 تیز رفتار مزدہ ٹرک آپس میں ٹکرا گئے جس کے نتیجہ میں 20 سالہ شاہزیب زخموںکی تاب نہ لاتے ہوئے دم توڑ گیا جبکہ حادثہ 30 سالہ شفیق زخمی ہو گیا۔ ٹریفک حادثات میں60سالہ زکریا، 24 سالہ عمران،18 سالہ خان علی، 15 سالہ ساجد، 30 سالہ رفعت بی بی، 3 سالہ مریم، 45 سالہ فلک شیر، آمنہ، 50 سالہ صفدر، 46 سالہ سجاد، 40 سالہ خالد محمود، 22 سالہ مصباح، 35 سالہ بلال، 36 سالہ عبدالرزاق اور 18 سالہ علی حیدر و دیگر زخمی ہو گئے تمام زخمیوں کومختلف ہسپتالوں میں منتقل کر دیا گیا۔