کوٹ ادو(خبر نگار) گن پوائنٹ پر  خاتون  اغواء دوسری  کوزیادتی کا نشانہ بنا ڈالا تفصیل کے مطابق چک نمبر 634 ٹی ڈی اے کا رہائشی محمد یٰسین جھورڑ گزشتہ روز اپنی ڈیوٹی پر گیا ہوا تھا کہ اسی اثناء میں سنجرانی برادری کے رفیق سنجرانی، حسین سنجرانی اور ریاض سنجرانی مسلح آتشیں اسلحہ چادر اور چار دیواری کا تقدس پامال کرتے ہوئے اس کے گھر داخل ہو گئے اور یٰسین کی بیوی خورشیدبی بی کو گن پوائنٹ پر اغواء کر کے لے گئے، جاتے ہوئے گھر سے نقدی 2لاکھ روپے اور4تولہ طلائی زیورات مالیتی 6 لاکھ بھی ساتھ لے گئے۔ دوسرے واقعہ میں موضع ہنجرآئی مستقل شرقی میں محمد عارف موہانہ کی بیٹی (ش) جس کی شادی ایک سال قبل وقاص موہانہ سے ہوئی تھی، اپنے والدین کے گھر ملنے آئی ہوئی تھی کہ والدین گھر سے باہر تھے کہ اسی اثنا میں مقامی زمیندار کا ملازم جہانگیر مشوری چادر اور چاردیواری کا تقدس پامال کرتے ہوئے اس کے گھر داخل ہو گیا اور گھر میں موجود اکیلی(ش) سے زیادتی کر ڈالی ۔گھر والوں کے آنے پر ملزم فرار ہوگیا۔ پولیس نے دونوں مقدمات درج کر لئے ہیں۔