تحریک عدم اعتماد کی کامیابی کے بعد جمائما کے بھائی بین گولڈ اسمتھ نے عمران خان کے لئے ایک ٹوئٹ کی ہے۔
ماہر ماحولیات بین گولڈ اسمتھ نے ٹوئٹر پر جاری کردہ اپنے ٹوئٹ میں سابق وزیراعظم عمران خان کےلئے تعریفی کلمات لکھتے ہوئے کہاکہ میرے بہنوئی عمران خان ایک اچھے اور عزت دار آدمی ہیں۔
My brother-in-law @ImranKhanPTI is a good and honourable man, motivated only by a strong desire to do good by his country. His record as PM is exceptional, most of all on the biggest issue of our time: Pakistan under Imran is now a world leader on environmental restoration.????
— Ben Goldsmith (@BenGoldsmith) April 9, 2022
جمائما کے بھائی نے کہاکہ عمران خان میں اپنے ملک کے لیے کچھ بہتر کرنے کا جذبہ پایا جاتا ہے، بطور وزیراعظم ان کا ریکارڈ بالخصوص دور حاضر کے سب سے بڑے مسئلے پر غیر معمولی ہے۔بین گولڈ اسمتھ نے اپنی ٹوئٹ میں مزید کہاکہ عمران خان کی قیادت میں اب پاکستان ماحولیاتی بحالی کے لیے عالمی رہنما کے طور پر جانا جاتا ہے۔
واضح رہےکہ قومی اسمبلی میں عمران خان کے خلاف عدم اعتماد کی قرارداد 174 ووٹوں سے کامیاب ہوگئی ہے۔
