بیلسٹک میزائل شاہین تھری کاکامیاب تجربہ دفاعی صلاحیت میں خوداعتمادی ہے :صدر

صدر ڈاکٹر عارف علوی نے کہا ہے کہ جوہری صلاحیت رکھنے والے ایک بیلسٹک میزائل شاہین تھری کا کامیاب تجربہ ہماری دفاعی صلاحیتوں میں خود اعتمادی اور فخر کا سبب ہے۔آج ایک ٹویٹ میں انہوں نے کہا کہ ہمارے سائنسدانوں کی جانب سے پرامن ایٹمی دفاعی صلاحیت یقینی بنانے کی وجہ سے پاکستان محفوظ ہے۔ پاکستان نے گزشتہ روز زمین سے زمین تک مار کرنے والے بیلسٹک میزائل شاہین تھری کا کامیاب تجربہ کیا۔