قصور(نمائندہ نوائے وقت)قصوراور اس کے گردونواح میں ڈکیتی،چوری اور راہزنی کی واراتوں میں نامعلوم ڈاکو زبزور اسلحہ شہریوں سے نقدی،موبائل فون،پیٹر انجن و دیگر سامان لو ٹ کر موقع سے فرار۔ رضوان نے پولیس تھانہ صدر میں اطلاع دی ہے کہ میرے زرعی رقبہ سے نامعلوم چور پیٹر انجن چوری کرکے لے گئے ہیں۔بھٹہ سوہن دین قصور سے نامعلوم چور شکیب نامی شہری کی موٹر سائیکل چوری کرکے لے گئے۔ کوٹ ناننکہ چھوٹی نہر چھانگا مانگا کے قریب دو مسلح ڈاکوو¿ں نے عمیر نامی شہری سے چار ہزار روپے کی نقد ی اور موبائل فون وغیرہ لوٹ لیا اور فرار ہو گئے۔ دو لے والا کے قریب مہالم خورد کے رہائشی اقبال سے دو مسلح ڈاکوو¿ں نے گن پوائنٹ پر نقدی اور موبائل فون وغیرہ چھین لیا۔۔ ٹریٹمنٹ پلانٹ قصور کے قریب سے مسلح ڈاکوو¿ں نے گن پوائنٹ پر شرافت ڈوگر نامی شہری سے دس ہزار روپے کی نقدی اور موبائل فون وغیرہ لوٹ لیا اور فرار ہو گئے۔ پھولنگر بائی پاس کے قریب موٹر سائیکل پر سوار دو مسلح ڈاکوو¿ں نے گن پوائنٹ پر تصور نامی شہری سے نقدی اور موبائل فون وغیرہ لوٹ لیا ۔