لاہور (نامہ نگار) بھیک مانگنے کےلئے بچےاغوا کرنے والی خاتون سی آئی اے پولیس کی گرفت میں آگئی۔ ملزمہ اپنے ساتھی کے ساتھ مل کر نونہال بچوں کو اغوا کرتی اور غربت کا ڈھونگ رچا کربھیک مانگتی تھی۔ پولیس کے مطابق ملزمہ اور اس کا ساتھی کبھی بہن بھائی تو کبھی میاں بیوی کے روپ میں گنجان آباد علاقوں میں بھیک مانگتے اور موقع ملتے ہی کام دکھا جاتے۔ ملزمان نے اپریل کے پہلے ہفتے ہنجروال میں مکان کرائے پر لیا اورساتھ والےکوارٹرمیں رہائش پذیررکشہ ڈرائیور کاچھ ماہ کا بچہ اغوا کرلیا۔ سی آئی اے پولیس نے کڑیاں ملاتے ہوئے مرکزی ملزمہ کو حراست میں لے لیا جس سے تفتیش جاری ہے۔ ڈی ایس پی سی آئی اے فاروق اصغراعوان کا کہنا ہے کہ واردات میں ملوث دوسراملزم تاحال فرار ہے۔ جس کی گرفتاری کےلئے چھاپے مارے جارہے ہیں۔