پشاور،دوہرے قتل میں ملوث 2ملزمان چند گھنٹوں میں گر فتار

پشاور(بیورو رپورٹ)پشاور پولیس نے دوہرے  قتل میں ملوث 2ملزمان کو چند گھنٹوں کے اندر اندر گرفتار کرکے اُن کے قبضہ سے واردات میں استعمال ہونے والا کلاشنکوف ، پستول اور موٹرسائیکل برآمد کرلی۔گزشتہ شب ارباب روڈ پر سابقہ قتل مقاتلے کی دشمنی کی بناء فائرنگ کا واقعہ رونما ہوا تھا جس میں آصف، دوکان میں موجود گاہک زوہیب لگ کر جاں بحق جبکہ چھوٹی بچی زخمی ہو گئی تھی، واقعہ کی اطلاع ملتے ہی مقامی پولیس نے موقع پر پہنچ کر نعشوں کو پوسٹمارٹم جبکہ بچی کی ابتدائی طبی امداد کی خاطر ہسپتال منتقل کردیا، جبکہ ملوث ملزمان کے خلاف مقدمہ درج کرکے تفتیش شروع کردی گئی،واقعہ کا ایس پی کینٹ ڈویژن وقاص رفیق نے نوٹس لیتے ہوئے ملوث ملزمان کو گرفتار کرنے کی خاطر اے ایس پی ٹاون نازش شہزادی، ایس ایچ او تھانہ تہکال نور محمد خان پر مشتمل خصوصی ٹیم تشکیل دے دی گئی ۔ خصوصی ٹیم نے واقعہ میں ملوث ملزمان حذیفہ ولد جانس اور صالح ولد وارث ساکنان تہکال کا چند گھنٹوں کے اندر اندر سراغ لگا کر گرفتار کرلیا، گرفتار ملزمان نے واقعہ کو قتل مقاتلے کی دشمنی شاخسانہ قرار دیا، جن کے قبضے سے واردات میں استعمال ہونے والا اسلحہ کلاشنکوف، پستول اور موٹرسائیکل بھی برآمد کرلیا گیا، جن سے مزید تفتیش جاری ہے۔