ایڈیشنل چیف سیکریٹری ہوم نورالامین مینگل کا ضلع اٹک کا دورہ

اٹک (نامہ نگار ) ایڈیشنل چیف سیکریٹری ہوم نورالامین مینگل کا ضلع اٹک کا دورہ، ضلع اٹک میں سری پنجہ حسن ابدال اور چائنیز کیمپ ہٹیاں کا وزٹ، تفصیلات کے مطابق ایڈیشنل چیف سیکرٹری ہوم نورالامین مینگل نے ضلع اٹک کا دورہ کیا، اس موقع پر ڈی پی او ڈاکٹر سردار غیاث گل خان اور ڈی سی رائو عاطف رضا بھی انکے ہمراہ موجود تھے، ایڈیشنل چیف سیکرٹری ہوم نے بیساکھی میلہ کے سلسلے میں گوردوارہ سری پنجہ حسن ابدال میں اندرون و بیرون ملک سے آنے والے سکھ یاتریوں کے لئے کئے جانے والے سیکورٹی انتظامات چیک کیے،ڈی پی او نے ایڈیشنل چیف سیکریٹری ہوم کو غیر ملکیوں کو دی جانے والی سیکیورٹی کے انتظامات کے متعلق بریف کیا،ایڈیشنل چیف سیکرٹری ہوم نے اٹک پولیس کی جانب سے سری پنجہ حسن ابدال اور چا ئنیز کیمپ ہٹیاں پر کیے گئے سیکیورٹی انتظامات پر اطمینان کا اظہار کیا۔