وفاقی پولیس کے اپر،انٹرمیڈیٹ اور لوئر کورس کی پاسنگ آؤٹ تقریب

اسلام آباد(اپنے سٹاف رپورٹر سے) کیپیٹل پولیس کے دوسرے اپر کورس،12ویںانٹرمیڈیٹ کورس اور 21ویں لوئر کورس کی پاسنگ آؤٹ کے سلسلے میں پولیس لائنز ہیڈکوارٹرز میںپر لیے ر تقریب کا انعقادکیا گیا،تقریب میں کیپیٹل پولیس آفیسر لااینڈ آرڈر/کمانڈنٹ کیپیٹل پولیس کالج شاکر حسین داوڑ نے بطور مہمان خصوصی شرکت کی،اس موقع پر ایس ایس پی لااینڈ آرڈر/ڈپٹی کمانڈنٹ کیپیٹل پولیس کالج ،ڈی ایس پی کیپیٹل پولیس کالج،سول سٹاف اور پاس آؤٹ ہونے والے افسران و جوان موجود تھے،سی پی او لااینڈ آرڈر/کمانڈنٹ کیپیٹل پولیس کالج نے ٹریننگ کورسز میں نمایاں کارکردگی کا مظاہر ہ کرنے والے افسران و جوانوں میں انعامات اور تعریفی اسناد تقسیم کئے،انہوں نے تقریب سے خطاب کر تے ہوئے کہا کہ آپ تمام افسران و جوانوں نے محکمانہ ترقی کے لئے جاری محکمانہ کورسز کامیابی سے مکمل کر لئے ہیں،آپ ذہن نشین کر لیں کہ ہم سب عوام کے خادم ہیں ناکہ عوام ہماری خادم ،یقین جانیں جتنا سکون کسی کی خدمت میں ملتا ہے کسی اور کام میں نہیں،آپ لوگوں کے ساتھ بھلائی کریں ،کوئی وجہ نہیں کہ آپ کو عزت نہ ملے ،سچے دل کے ساتھ آج یہ عہد کریںکہ انسانی خدمت کو اپنا شعار بنائیں گے قانون کی پاسداری کرتے ہوئے عوام کو بلاتفریق انصاف کی فراہمی کو یقینی بنایا جائے ،شہریوں کی جان و ما ل کی حفاظت ہمارا اولین فرض ہے۔