لاہور(سپورٹس رپورٹر)4 سال پاکستان کرکٹ ٹیم کے میجر رہنے والے منصور رانا کی موجودگی میں سلیکٹر وہاب ریاض کو پاکستان کرکٹ ٹیم کا سینئر منیجربنایا گیا ہے۔ان کیلئے نیا اور منفرد عہدہ تخلیق کیا گیا ہے، کرکٹ حلقے حیران ہیں کہ ٹیم منیجر کی موجودگی میں وہاب ریاض کو سینئر منیجرکیوں مقرر کیاگیا ؟ذرائع کے مطابق نیوزی لینڈ سیریز میں وہاب ریاض سلیکشن پالیسی پر نظر رکھیں گے، وہ ہر میچ میں روٹیشن پالیسی کا پلان دیں گے۔وہاب اس بات کو یقینی بنائیں گے کہ ٹیم سلیکشن پلان کے مطابق ہو رہی ہے، سیریز میں وہاب ریاض کی پلیئنگ الیون میں رائے اہم ہوگی،سابق چیف سلیکٹرہر کھلاڑی کے ورک لوڈ کو بھی مانیٹر کریں گے۔ہوم سیریز کے پانچوں میچز میں زیادہ سے زیادہ کھلاڑیوں کو موقع فراہم کیا جائیگا۔ ملاقات میں وہاب ریاض نے نیوزی لینڈسیریز میں سلیکشن پالیسی کے حوالے سے کھلاڑیوں کو بریف کیا تھا۔