لاہور(نامہ نگار) چوری و ڈکیتی کی وارداتوں میں متعددشہریوں سے لاکھوں روپے زیورات، موبائل فون، موٹر سائیکلیں، گاڑیاں اور دیگر سامان لوٹ لیاگیا۔ تفصیلات کے مطابق ڈاکوؤں نے مانگامنڈی میں معظم کے گھر اہلخانہ کو یرغمال بناکرساڑھے5 لاکھ روپے زیوارات، موبائل فون اور دیگر گھریلو سامان، مصطفی ٹاؤن میں قدیر سے ساڑھے 3 لاکھ روپے اور موبائل فون،شاہدرہ ٹاؤن میں خالد سے 2 لاکھ 90 ہزار روپے اور موبائل فون، کوٹ لکھپت میں طارق سے 2 لاکھ روپے اور موبائل فون، ساندہ میں جواد سے ڈیڑھ لاکھ روپے اور موبائل فون،راوی روڈ کے علاقے میں اصغر علی سے ایک لاکھ روپے اور موبائل فون،سمن آباد کے علاقے میں عرفان سے 44 ہزار روپے اور موبائل فون لوٹ لیا اورفرار ہوگئے۔ چوروں نے نصیر آباد، غالب مارکیٹ، کاہنہ اور مانگا منڈی میں سے 4گاڑیاں جبکہ مصطفی ٹاؤن،ہنجروال، جوہر ٹاؤن، کاہنہ،ڈیفنس،سندر،نشتر کالونی اور فیصل ٹاؤن سے 8موٹرسائیکلیں چوری کرلی ہیں۔