گوجرانوالہ (نمائندہ خصوصی) تھانہ کوتوالی کے علاقہ بیری والہ چوک کے قریب دکان کے سامنے سٹال لگانے پر بھٹی اور قصاب گروپوں کے درمیان جھگڑا ہوگیا۔ اصغر اور اس کے ساتھیوں نے اندھا دھند فائرنگ کرکے 65 سالہ بابر اور اس کے 19 سالہ بیٹے یاسر کو قتل جبکہ دوسرے بیٹے فیصل کو شدید زخمی کر دیا۔ فائرنگ کے باعث بازار میں  بھگدڑ مچ گئی۔  پولیس اور ریسکیو اہلکاروں نے  نعشوں کو ضروری کارروائی اور مضروب کو طبی امداد کی فراہمی کے لئے ہسپتال منتقل کیا۔ پولیس نے ملزمان کی گرفتاری کے لئے ٹیمیں تشکیل دیدی ہیں۔