میکلوڈ روڈ پر گھر میں آگ لگ گئی، باپ بیٹی جھلس کر زخمی، سامان خاکستر 

لاہور (نامہ نگار) میکلورڈ روڈ پر ایک گھر کی بالائی منزل پر اچانک آگ بھڑک اٹھی۔ جس نے پوری منزل کو اپنی لپیٹ میں لے لیا۔ جسں کی زد میں آکر 13 سالہ بچی ملائکہ اکبر  اور اس کا 50 سالہ والد اکبر حسین شدید زخمی ہوگئے ہیں۔ اطلاع ملنے پر ریسکیو ٹیموں نے موقع پر پہنچ کر آگ پر قابو پایا اور دونوں زخمیوں کو طبی امداد کے لئے میؤ ہسپتال منتقل کر دیا ہے۔ آگ لگنے سے لاکھوں روپے مالیت کا سامان جل کر تباہ ہو گیا ہے۔ ریسکیو کی6 ایمرجنسی وہیکلز نے آپریشن میں حصہ لیا۔ دونوں باپ بیٹی 30 سے 40 فیصد جھلسے ہیں۔ان کا علاج جاری ہے جبکہ فائر کنٹرول کی جانب سے آپریشن مکمل کر لیا گیا ہے۔