پاناما پیپرز، 27 افراد کے خلاف منی لانڈرنگ کیس کی سماعت شروع

پاناما کی فوجداری عدالت میں 27 افراد کے خلاف منی لانڈرنگ کے مقدمے کی سماعت شروع ہوگئی ہے۔منی لانڈرنگ اسکینڈل سے متعلق اس مقدمے میں موساک فونسیکا فرم کے مالکان کو منی لانڈرنگ کے الزامات کا سامنا ہے۔منی لانڈرنگ کا الزام ثابت ہونے کی صورت میں موساک فونسیکا فرم کے مالکان کو 12 سال تک قید کی سزا سنائی جاسکتی ہے۔یاد رہے کہ 2016 میں دنیا بھر کے امیر ترین افراد اور گروپس کی مالیاتی دستاویزات منظرِعام پر لائے جانے سے بہت بڑے پیمانے پر منی لانڈرنگ کا انکشاف ہوا تھا۔