کراچی (آن لائن) کراچی کے مختلف علاقوں میں رینجرز نے کارروائی کر کے سیاسی جماعت کے دہشتگرد سمیت 11 افراد کو گرفتار کر لیا۔ گرفتار افراد میں بھتہ خور، چوری، ڈکیتی اور ٹارگٹ کلنگ کے ملزمان شامل ہیں۔ رینجرز ترجمان نے کراچی میں قیام امن کے عزم کا اظہار کرتے ہوئے کہا کہ کراچی کے مختلف علاقوں میں جرائم پیشہ افراد کے خلاف کارروائی کی گئی۔ کارروائی کے دوران 11 افراد کو حراست میں لیا گیا۔ حراست میں لئے جانے والے افراد میں متحدہ کا دہشتگرد بھی شامل ہے۔ ترجمان رینجرز کا کہنا تھا کہ کارروائیاں بلدیہ، فرنٹیئر کالونی اور شادمان ٹاؤن کے علاقے میں کی گئی ہیں۔