فوج کی قربانیوں کے مثبت نتائج آنا شروع ہو گئے ہیں: افضل کھوکھر

رائے ونڈ (نامہ نگار) مشیر وزیراعظم ایم این اے ملک محمد افضل کھوکھر نے ماڈل بازار کا دورہ کیا اور عوام سے سہولیات بارے سوال و جواب کیے۔ انہوں نے کہا کہ ماڈل بازار غریب عوام کے دکھوں کا بہترین مداوا ہیں۔ انہوں نے کہا کہ حکومت مہنگائی کے خاتمہ کی سرتوڑ کوششیں کررہی ہے۔ دریں اثناء میڈیا کے نمائندوں سے باتیں کرتے ہوئے ان کا کہنا تھا کہ ترقی و خوشحالی کے بے شمار منصوبوں پر کام جاری ہے۔ دوسالوں میں معیشت مضبوط ہوئی ہے۔ انہوں نے کہا کہ فوج کی قربانیوں کے مثبت نتائج آنا شروع ہوگئے ہیں۔ عمران خان نے عوام کیلئے کچھ نہیں کیا۔