لاہور(سپورٹس ڈیسک )بارش سے متاثرہ راجرزکپ ٹینس ٹورنامنٹ میں ٹاپ سیڈ رافیل نڈال، نوواک جوکووک اورالیگزینڈر زیویریونے پری کوارٹرفائنل میں جگہ بنالی۔ٹورنٹومیں جاری ٹورنامنٹ میں رافائل نڈال کی راو¿نڈ آف 16تک رسائی میں کچھ دیرکیلئے بارش حائل ہوگئی تاہم عالمی نمبرایک نے فرانس کے بینوت پائرکوسٹریٹ سیٹس میں مات دےکرآخری 16کھلاڑیوں میں جگہ بنالی۔نڈال نے صرف 74منٹ میں چھ دواورچھ تین سے فتح سمیٹتے ہو ئے تیسرے راو¿نڈ میں قدم رکھ دئیے۔نائنتھ سیڈنوواک جوکووک وائلڈ کارڈ پیٹرپولانسکی کا پتہ صاف کرتے ہوئے پری کوارٹرفائنل کیلئے کوالیفائی کرلیا،جوکووک نے چھ تین اورچھ چارسے کامیابی حاصل کی۔سیکنڈ سیڈ جرمنی کے الیگزینڈرزیویریونے امریکہ کے بریڈلےکلاہن کیخلاف چھ چار اور چھ چار سے فتح حاصل کی ۔ روسی ٹینس سٹار ماریہ شراپووا نے بلغاریہ کی سیسیل کو ہرا کر اگلے راو¿نڈ میں جگہ پکی کر لی۔ روسی ٹینس سٹار نے شاندار پرفارمنس دکھائی اور مخالف کھلاڑی کو جم کر کھیلنے کا موقع نہ دیا، انہوں نے پہلا سیٹ با آسانی چھ ایک سے جیتا۔دوسرے سیٹ میں بھی ماریہ اپنی حریف پر حاوی رہیں، اس بار انہوں نے چھ دو سے فتح حاصل کر کے دوسرے راو¿نڈ کا ٹکٹ کٹوا لیا۔ برطانیہ کی جوہا نا کونٹا بیلا روس کی وکٹوریہ آزا رینکا کو شکست دے کر روجرز ٹینس کپ کے تیسرے راﺅنڈ میں پہنچ گئیں ۔ کونٹا نے چھ تین اور چھ ایک سے کامیابی سمیٹی ۔ اب انکا مقابلہ عالمی نمبر پانچ ایلینا سویتو لینا سے ہو گا۔